Vargje në gegnisht - Rozafa Shpuza

N’harrim

S'bëzan,
por rimon si fjollat e borës
me pejzat e brishta
t'shpirtit mëkatar.
E unë rrekem
me t'harru ambël,
siç bajnë buzët
me puthjen e parë... 

 

(1.2.2012)

* * *

 

Ty

 

U nisa
ndër rrugina
të përthyeme prej tingujsh
t'kacafytun.
U rroka
me qerpikë t'thinjun
prej pritjesh ndjellakeqe.
U putha
prej buzësh mavi
që harbohen
ndër epshe grilash t'blerume,
e shterova
ndër faltra t'mallit
endacak...

 

(4.2.2012)

 

* * *

 

Borës

 

N’nji valle t’marrë

që ngutet me dremitë

ndër pragje t’bardha.

N’nji shteg t’harrum

që rreket me kujtu

trokun e hapave t’mramë.

N’nji pritje t’rreme

që kaherë endet

ndër pulitje sysh

t’mallum.

Ti s’lodhesh tuj ra

fjollë-fjollë...

 

(6.2.2012)