RRUGA QË NUK ZGJODHA

Robert Frost

Dy rrugë degëzoheshin në një pyll të verdhë

e më vinte keq të mos i ndiqja të dyja

e meqë isha udhëtar i vetëm, mbeta gjatë

duke parë njërën prej tyre sa munda

Pastaj mora tjetrën, pse ishte po aq e bukur,

dhe kishte, mbase, pamjen më të mirë,

sepse ishte me bar dhe më pak e rrahur;

edhe pse kalimi i kish bërë ato

pothuaj, të dyja të ngjashme

dhe atë mëngjes të dyja ishin aty-aty të njëjta

me gjethe që asnjë hap s’i kishte njollosur.

Oh, e lashë mënjanë, të parën, për një ditë tjetër!

Dhe duke ditur se njëra rrugë çon në një tjetër,

dyshoja, se a do të kthehesha prapa,vallë.

Do ta tregoj me një psherëtimë

diku aty pas vitesh dhe vitesh:

dy rrugë degëzoheshin në një pyll dhe unë-

unë mora atë më pak të rrahurën,

dhe kjo bëri gjithë dallimin.

Përktheu: Faslli Haliti